Bike Maintain Karne ka 7 Points | Bike Servicing 7 Points in 2019

Bike Maintain Karne ka 7 Points jo karne ke liye hamesha khud se koshish kare ke aap apni bike ka kuchh kaam apne se hi karle. Isse aapke 2 fayde honge mechanic ko paise kam dene honge aur garage me time bhi bachega. Bike chalane walo ke liye bike bahut jaruratmand gaadi rahi he road ke har condition me bike asani se manjil tak pahuchati he. Bike ka maintenance samay par karna bahut zaroori hai warna rah chalte samay bike band pad sakti he start nahi hoti aur bhi kafi dikat deti hai.

• Bike Maintain Karne ka 7 Points

1. Bike Wash
2. Engine Oil Change
3. Air Filter Clean Rakhe
4. Spark Plug Clean Kare 
5. Brake Check Kare 
6. Chain Lubrication
7. Polish Metal and Plastic Part

• Bike Wash karene ke 3 Tarike  Hai

1. Shampoo :- Bike wash karne ke liye aap ko microfiber Cotton, Brush aur Shampoo ki zaroorat hai. 2 pouch shampoo ko balti me Pani ke sath mix kare achhe se jabtak phan/jhag na nikalne lage. Shampoo me silky ya shine jaroor likha hona chahiye jisse aapki gaadi dhone ke baad chamak ne lage. Cotton kapde se shampoo wala pani bike ke har part me lagaye. Shampoo pani bike par lagane ke baad Brush se har metal ke part par kafi achhe se ghise saath hi dono tyer me bhi kafi achhe se ragde brush se. Brush se ghisne ke baad 1 se 2 balti pani leke 1liter ke container ki madad se bike ke har part me phuaro ki tarah pheke. Pani bike par phakne ke baad microfiber cotton kapde se achhi tarah pochhe saath hi metal part ko bhi pochhe. Bike aapki chamakne lagegi.
   
   
2. Diesel Wash :- Diesel wash Karne ke liye 200gm Diesel ek chhote se container me le aur cotton kapde ki help se bike ke har part me lagaye. Diesel ko bike par lagane ke baad 5 minute ke liye usse chhod de jaise hi diesel hawa se sukh jaye tab aap shampoo aur pani mix kar ke halke haath bike ke sare parts par achhe se lagaye. Ab aap bike ko pani se dhode bike dhone ke baad achhe se pochhe aur kuchh samay sukhne de.
3. Foam Wash :- Foam wash karne se aapki bike kam samay me clean ho jati hai. Foam wash bike ko uper se clean karti hai. Engine, chain aur suspension ye part kuch kuch jagah se chhut jata hai. Foam wash aap tab karaye jab aapko jaldi kahi jana ho aur aapki gaadi clean nahi he warna foam wash nahi karaye isse paisa waste hota hai.

• Bike Engine Oil Kon Sa Aur Kab Change Karna Chahiye

1. Mineral Oil :- Mineral oil ka use 100cc se 125cc ke engine me use kare jo ki city ride ke liye bahut achha hota hai. Engine oil brand company ka hi le. Oil kharidte waqt aap bottle par mineral oil likha ho zaroor dekhe. Mineral oil ki price bhi kam hoti he kyu ki isko 2000 se 2500 kilo meter par hi change karna hota he. Mineral oil dark gadha hota hai.
   
   
2. Semi-Synthetic Oil :- Semi synthetic oil 150cc se 200cc ke engine me use kare jo ki city long ride ke liye kafi achha hota hai. Semi synthetic oil medium gadha hota hai. Semi synthetic oil 4000 se 4500 kilo meter tak chalta he uske baad change karna zaroori hota hai. Branded engine oil ke bottle par semi synthetic oil likha hota hai aap kharidte waqt zaroor dekhe.
3. Synthetic Oil :- Synthetic Oil 220cc se 2000cc ke engine me use kare jo ki speed aur long ride ke liye best hai. Synthetic oil patla hota he dusre oil se. Mileage ke liye perfect hota hai. Synthetic oil ki price bhi jada hoti he aur ye bhi branded oil ke bottle per likha hota hai.

• Bike Ki Air Filter Clean rakhe Aur Zaroort Padne Per Change Kare 

1. Bike Air Filter :- Bike air filter ko hamesha clean rakhe isse bike ko air lene me asani hoti hai. Air filter clean rakhne se mileage per kafi achha asar hota he aur sath me bike ki pickup bahut achhi hoti hai. Air filter jada kharab hone par clean na kare Change karde taki gaadi ke chalne me koi kami na aa paye.

• Bike Spark Plug Clean kare  Sandpaper Aur Petrol Se

1. Spark Plug :- Spark plug ka use bike me engine start karne ke liye hota hai. Spark Plug per carbon ane se bike start nahi hota aur kabhi kabhi barish me bike start na hone ka main karan plug kahi hota hai. Spark plug bike me current lane ka kaam karta he aur usse bike start hota hai. Plug ko clean karne ke liye head piston se pane ke help se nikal kar petrol se clean kare uske baad plug ke top poin to sandpaper se ghis kar clean kare uske baad wapas waise hi lagaye jaise nikale the isse aapki bike ka start karne ka problem khatam ho jata hai.

• Bike Ka Brake Check Karna Biker ke Liye Sabse Important Point Hai

1. Brake :- Bike driver ko Daily Bike start karne ke baad chalane se pehle brake zaroor check karna chahiye. Bike accident me bike ke brake fail hone ka jada chansess rehta hai. Bike ka brake kum lag rha ho to dono hi tyer ke brake nut check karke thoda tite kare agar disc brake he to machenic ke pass zaroor jaye isme kisi bhi tarah ka alas na kare warna hadse ka sikar ho sakte hai.

• Bike Ka Chain Lubrication Khud Se Kaise Kare

1. Chain Lubrication :- Chain lubricate karna bahut hi asan he iske liye aapko kharab tooth Brush lena hai cotton kapda aur used engine oil thoda sa soda ya pepsi ke bottle me  jo machenic ke pass free me mil jayega. Bike ka chain cover khole feer tyer ko ghumane ke sath chian per thoda petrol dalte jaye pure chain ko petrol se bhigale uske baad tooth brush se chain ko kafi samay tak ghiste rahe. Chain ko har taraf se ghisne ke baad cotton kapde se achhe tarike se pochh le ab chain ko 10 minute tak chhod de taki achhe se sukh jaye. Chain ke uper tyer ghumane ke saath used oil dalte rahe taki pure chain me achhe se mil jaye oil ab aapka chain lubricate ho gaya hai.

• Bike Polish Kaise Kare Jisse Bike Naya Jaisa Chamakne Lage

1. Bike Polish :- Bike polish karne ke liye aapko sabse sasta silver polish kharidna he jo ₹20 me bike ke garage se mil jayega. Bike ka service pura hone ke baad aapko bike pochhna he achhe se uske baad silver polish ke spunch ko bike ke metal aur plastic body pe lagana he mirror aur seat ko chhod ke warna mirror blury ho jayega aur seat sleep karne lagega bathne ke baad. Silver polish lagane ke baad 5 minute chhod de uske baad microfiber cotton se achhe se gaadi ko pochh le ab aapki bike shine marne lagegi aur aapki bike puri tarah se naya lagne lagega dekhne me aur chalne me bhi.

Bikers ko bike maintain karne ke 7 points per dhyan dene ke alawa helmet aur sight signal per hamesha dhyan dena chhiye isse accident kam hota hai. Helmet ISI ka hi lena chahiye taki accident hone per aap bach sake. Bike ki speed city me 40 rakhe aur city ke bahar khule road pe 60 isse jada speed aapka balance kharab kar sakta he aur aapka bahut kharab accident ho sakta hai.